Ministria e Industrisë, Ndërmarrësisë dhe Tregtisë, përkatësisht Agjencia për Regjistrimin e Bizneseve në Kosovë ( ARBK), nënshkruan Memorandum Bashkëpunimi me Doganën e Kosovës, për sigurimin e të dhënave dhe qasjen online nga ana e Doganës në të dhënat e Shoqërive Tregtare nga regjistri zyrtar i bizneseve në ARBK.

Sipas njoftimit, nënshkrimi i memorandumit u realizua në ambientet e Ministrisë së Industrisë, Ndërmarrësisë dhe Tregtisë,  Lebibe Haliti në cilësinë e zv. Drejtores së Përgjithshme të ARBK-së, dhe Agron Llugaliu, Drejtor i Përgjithshëm i Doganës së Kosovës, përcjell Arbresh.info.

“Sigurimi i të dhënave nga ARBK, do të ndihmojë Doganën e Kosovës në veçanti gjatë procesit të hetimit dhe luftimit të aktiviteteve të paligjshme, si dhe do të ndikojë dukshëm në fuqizimin dhe lehtësimin e mëtutjeshëm të koordinimit dhe bashkëpunimit ndër-institucional.”, thuhet në njoftimin e ministrisë./Arbresh.info/